De útfiering fan it Frysk Taalbelied is in paraplu foar alle soarten projekten en akjes op it mêd van Frysk en de Streektalen. 

It aksjeplan is klear en fêststeld troch it kolleezje. De praatplaat oer it gebrûk fan it Frysk by mûnling kontakt en skriftlik ferkear leit by alle teams.  De kursussen Frysk foar it personiel binne klear.

Yn it ramt fan de Fryske Wike binne tal fan aktiviteiten organisearre. Utfiering fan oare aktiviteiten wurde taret.

 Noardeast-Fryslân is de twadde gemeente binnen de provinsje dy't in Meartaligenskoördinator hat (neist de Waadhoeke). Nei alle gedachten sille der noch mear gemeentes by ús oanheakje. Ek is ús gemeente koploper yn de provinsje oangeande de ambysjes én de útfiering fan it Frysk taalbelied én de streektalen.

Der wurde projekten opset oangeande it Frysk en de Streektalen, en oangeande Sichtberens Frysk. Der leit in amendemint oer Lânskipsbiografy, dizze is ek yn behanneling. Sommige projekten oerlaapje de gemeentegrinzen, sa as it fergese Fryske boeken projekt 'Jou in bern in boek' wat no foar de 18e kear útfierd wurdt.

De meartaligenskoördinator wurdt ek ynset op ynburgering en set binnen it hûs teksten oer nei it Frysk.

It útfieren fan it Frysk Taalbelied is in trochrinnend organysk proses wat fleksibel is en foaroprinnend is op  de aktualiteiten op it mêd fan Taal.

In diel fan de aktiviteiten út it Aksjeplan binne útfierd, In tal aktiviteiten is yn tarieding en wurde útfierd yn de kommende fearnsjierren.

De aktiviteiten binne útfierd binnen it beskikbere budzjet (diels budzjet Extra ynset Frysk en it besteande budzjet fan € 26.000).